काठमाडाैं । पूर्वप्रधानमन्त्री झलनाथ खनालले विभिन्न खालका सन्धि, सम्झौताका कारण राष्ट्रियता खतरामा परेको दाबी गरेका छन् । आइतबार काठमाडौंमा आयोजित कार्यक्रमलाई सम्बोधन गर्दै उनले यस्तो बताएका हुन् ।
अमेरिकी आर्थिक सहयोग परियोजना (एमसिसी) का कारण पनि देशको राष्ट्रियता खतरामा रहेको उनको भनाइ थियो ।
उनले भने, ‘आज देशमा हेर्नुहोस्, देशको राष्ट्रियतामाथि त्यत्तिकै खतरा बढिरहेको छ ।
राष्ट्रियतामाथिको खतरा । चाहे विभिन्न खालका सन्धि–सम्झौता हुन्, चाहे यी नयाँ–नयाँजस्तो एमसिसी भन्नुस् । एमसिसी अमेरिकी साम्राज्यवादले खडा गरेको जुन इन्डाेप्यासिफिक स्ट्राटेजी हो ।’
