नेपाली जनप्रगतिशील मञ्च, जापानले नेपाल विद्युत प्राधिकरणको कार्यकारी प्रबन्धक निर्देशक कुलमान घिसिंगलाइ कार्यकाल सकिनु अगावै गरिएको अपमानजनक बर्खास्तिको विरोध गरेको छ। मन्चले एक प्रेस विज्ञप्ति जारी गर्दै कुलमान बर्खास्तिको विरोध गरेको हो ।
दिनको १८ देखि २० घण्टा सम्म लोडसेडींगको मार खेपिरहेको नेपाली जनतालाई आफ्नो विज्ञता, ज्ञान, अनुभव र कार्य कुशलता मार्फत नेपालको अँध्यारो युगको अन्त्य गर्दै उज्यालो युगमा प्रवेश गराउने उज्यालो युगका नायक विद्युत प्राधिकरणको कार्यकारी प्रबन्धक निर्देशक कुलमान घिसिंगलाइ कार्यकाल सकिनु अगावै गरिएको अपमानजनक बर्खास्तको नेपाली जनप्रगतिशील मञ्च जापान घोर निन्दा सहित भर्त्सना गर्दछ । विज्ञप्तिमा भनिएको छ।
जनताको हजारौँ जनगुनासा र असन्तुष्टीहरुलाई सम्बोधन गर्न छाडेर घाटामा रहेको प्राधिकरणलाई १२ अर्ब नाफामा लैजाने, व्यापारीहरू बाट प्राधिकरणको अर्को बाँकी बक्यौता रकम उठाउन प्रतिबद्ध, नेपालको ऊर्जा क्षेत्रमा महत्त्वपूर्ण योगदान पुर्याउने देश भक्त, कर्मठ राष्ट्रसेवक घिसिङ माथि गरिएको अन्न्यायापूर्ण निर्णयले यो सरकार जनताको नभएर बिचौलियाको सरकार भएको भन्दै मन्चले विरोध जनाएको छ ।
