काठमाडौं। काठमाडौंको काठमाडौं मेडिकल कलेज पब्लिक लिमिटेड (केएमसी) र विराटनगरमा रहेको नोबेल अस्पतालमा स्वास्थ्य विमा कार्यक्रम लागू हुने भएको छ । आज नोबेल अस्पतालका सीईओ डा।भोगेन्द्र प्रसाद उपाध्याय र केएमसीका प्रिन्सिपल प्राडा रतेन्द्रनाथ श्रेष्ठले सम्झौतामा हस्ताक्षर गरेका छन् ।
सम्झौताअनुसार साउन १ गतेबाट नोबेल र केएमसी अस्पतालमा स्वास्थ्य बिमा कार्यक्रम सञ्चालन हुनेछ ।
उच्चस्तरीय स्वास्थ्य सेवा प्रदान गर्दै आएको केएसमी र नोबेल अस्पतालले सामाजिक उत्तरदायित्वअन्तर्गत विभिन्न ग्रामिण स्थानमा पुगेर निःशुल्क स्वास्थ्य शिविरसमेत सञ्चालन गर्दै आएका छन् ।
