काठमाडौँ। अख्तियार दुरुपयोग अनुसन्धान आयोगको टोलीले सिनामंगलस्थित नेपाल नागरिक उड्डयन प्राधिकरणको कार्यालयमा छापा मारेको छ ।
आयोगको टोलीले प्राधिकरणको कार्यालयबाट केही कागजातहरू समेत बरामद गरेको छ । प्राधिकरणमा अनियमितता भएको अख्तियारले छापा मारेको हो ।
‘विभिन्न विमानस्थल निर्माणको परियोजना र नागरिक उड्डयन प्राधिकरणको भवन निर्माणको अनियमितताबारे उजुरी अनुसन्धानको सिलसिलामा कागजात माग भएको भए पनि कतिपय महत्त्वपूर्ण कागजात उपलब्ध नगराएपछि कार्यालयमै पुगेर अख्तियारले केही महत्त्वपूर्ण कागजात बरामद गरेको थियो ।
अनियमिततामा संलग्न भएको आशंकामा प्राधिकरणका महानिर्देशक प्रदीप अधिकारीमाथि अख्तियारले अनुसन्धान गरिरहेको छ ।
