काठमाडौँ। नेपाल इन्स्योरन्स कम्पनी लिमिटेडका सञ्चालक समितिका सदस्यहरूको पदावधि थप भएको छ। कम्पनीको सञ्चालक समितिको वैशाख २२ गते बसेको बैठकले उक्त निर्णय गरेको हो।
कम्पनीको सञ्चालक समितिमा संस्थापक समूहबाट प्रतिनिधित्व भएका ३ जना सञ्चालकहरू अध्यक्ष चन्द्र सिंह साउद, नन्द किशोर शर्मा र होम बहादुर खड्का तथा सर्वसाधारण शेयरधनी समूहबाट सञ्चालकहरू सबिता श्रेष्ठ जोशी र सजल मास्केको कार्यकाल यही जेठ २९ गतेसम्म मात्रै रहेको थियो।
https://www.youtube.com/watch?v=4p_zmd1Gtwk
कम्पनीको आगामी साधारण सभा नहुन्जेलसम्म यी सबै सञ्चालकलाई जेठ ३० गतेदेखि लागू हुने गरी सञ्चालक पदमा निरन्तरता दिइएको कम्पनीले जनाएको छ।
https://aarthikvoice.com/archives/79488
त्यसैगरी, हाल कायम रहेको कम्पनीको सञ्चालक समितिको संरचना अनुसार चन्द्र सिंह साउदलाई नै सञ्चालक समितिको अध्यक्षमा निरन्तरता दिने निर्णय पनि गरिएको कम्पनीले जनाएको हो ।
