काठमाडौं । नेपाल स्टक एक्सचेन्ज (नेप्से)मा आज थप दुइ कम्पनीको आईपीओ सूचीकृत भएको छ । आज थ्रीस्टार हाइड्रोपावर र अपर साङ्गे हाइड्रोपावरको आईपीओ नेप्सेमा सूचीकृत भएको हो ।
थ्रीस्टार हाइड्रोपावरको कुल ३९ लाख २५ हजार कित्ता सेयर सूचीकृत भएको छ । नेप्सेले थ्रीस्टारलाई ‘टीएसएचएल’ कारोबार संकेत प्रदान गरेको छ ।
पहिलो कारोबारका लागि भने यो कम्पनीले प्रतिकित्ता न्यूनतममा ८५.६५ रुपैयाँदेखि अधिकतममा २५६।९५ रुपैयाँसम्म ओपनिङ रेन्ज पाएको छ ।
त्यस्तै अप्पर साङ्गे हाइड्रोपावरको कुल २२ लाख कित्ता सेयर नेप्सेमा सूचीकृत भएको छ। नेप्सेले अप्पर साङ्गेलाई ‘यूएसएचएल’ कारोबार संकेत प्रदान गरेको छ । पहिलो कारोबारका लागि भने यो कम्पनीले प्रतिकित्ता न्यूनतममा ८४.५४ रुपैयाँदेखि अधिकतममा २५३.६२ रुपैयाँसम्म ओपनिङ रेन्ज पाएको छ ।
आज सूचीकृत भएका कम्पनीहरुको शेयर आईतबारदेखि दोस्रो बजारमा कारोबारमा आउने छ ।
