काठमाडौँ। बलेफी हाइड्रोपावर लिमिटेडले खुला गरेको १७ लाख ९८ हजार ६५६ कित्ता लिलामी शेयर बाँडफाँड गरेको छ । कम्पनीले फागुन ५ देखि १९ गतेसम्म बिक्री खुला गरेको थियो ।
कम्पनीले उक्त अवधिमा प्राप्त शिलबन्दी बोलपत्रहरू फागुन २७ गते बाँडफाँड गरेको जनाएको छ । लकइनमा रहेको संस्थापक समूहको शेयरको अन्तिम मूल्य प्रतिकित्ता २२८.११ रुपैयाँ, सर्वसाधारण समूहको २२६ रुपैयाँ र लकइनमा नरहेको सर्वसाधारण समूहको शेयरको अन्तिम मूल्य ३२२.५० रुपैयाँलाई आधार मानेर शेयर बाँडफाँड गरिएको छ।
साथै बाँडफाँडमा नपरेकाहरूको रकम आगामी २८ गते देखिनै कनेक्ट आईपीएस मार्फत फिर्ता गर्न शुरू गरिएको बिक्री प्रबन्धक एनआईएमबि एस क्यापिटलले जानकारी दिएको छ ।
