काठमाडौं । विदेशमा काम गर्न जाने व्यक्तिहरूको जोखिम कम गर्ने उद्देश्यले नेपालका केही जीवन बीमा कम्पनीहरूले ‘वैदेशिक रोजगार (म्यादी) जीवन बीमा’ बीमा योजना ल्याएका छन् ।
वैदेशिक रोजगार ऐन, २०६४ ले जुनसुकै कारणबाट विदेशमा रहेको कामदारको मृत्यु वा अङ्गभङ्ग भएमा क्षतिपूर्ति पाउने गरी अनिवार्य बीमा गर्नुपर्ने व्यवस्था गरेसँगै नेपालमा यो बीमा प्रारम्भ भएको हो । यो बीमालेख जारी गर्ने विभिन्न कम्पनीहरूमध्ये सन नेपाल लाइफ इन्स्योरेन्स कम्पनी अग्रणी कम्पनी मानिन्छ ।
बीमालेखका मुख्य विशेषताहरू
– ५ लाखसम्मको घातक रोगहरूमा उपचार खर्च
– २ लाखसम्मको बीमितको आम्दानीको नोक्सानी बापत खर्च
– १ लाखसम्मको किरिया तथा अन्य खर्च
– १ लाखसम्मको शव परिवहन खर्च
– १ लाख सम्मको औषधोपचार खर्च
यसरी खरिद गर्न सकिन्छ यो बीमालेख
वैदेशिक रोजगार (म्यादी) जीवन बीमा गर्नुका फाइदा
– वैदेशिक रोजगारको क्रममा दुर्घटनामा परी उपचार गर्न वा जीवन गुमाउने कामदारले आर्थिक सहायता पाउन सकिने
– रोजगारीको लागि भारत जाने नेपाली नागरिकहरूलाई समेत अन्य देश जाने नागरिकसरह घातक रोग, जीवन बीमा अन्तर्गत १४ लाखसम्म राहत तथा क्षतिपूर्ति दिइने
– वैदेशिक रोजगारमा जाने व्यक्तिले नेपालमा गरेको स्वास्थ्य परीक्षण गन्तव्य मुलुकमा गई असफल भएको अवस्थामा फर्किएका नागरिकहरूलाई समेत सरल प्रक्रियाबाट क्षतिपूर्ति रकम फिर्ता गरिने
– विशेष अवस्थाका (जेल सजाय भोगिरहेका, बिरामी भएको कारण कमाउन नसक्ने अवस्थामा रहेका) नागरिकहरूको बीमा नवीकरण शुल्क सरकारले व्यहोर्ने
– वैदेशिक रोजगारका क्रममा मृत्यु भएका नागरिकहरूको शव ल्याउन कम्तीमा ५ लाखदेखि ७ लाख रुपैयाँसम्मको आर्थिक सहायता प्रदान गरिने
