काठमाडौँ । साताको दोस्रो कारोबारका दिन शेयर बजारमा दोहोरो अंकको सुधार आएको छ । लामो लगातार गिरावट आएको शेयर बजारको यात्रालाई ब्रेक लाउँदै आज शेयर बजारमा बढोत्तरी आएको हो ।
आज नेपाल स्टक एक्सचेञ्ज (नेप्से) २३.२२ अकंले बढेर २७६३.१८ बिन्दुमा कायम भएको छ।
आज नारायणी डेभलपमेन्ट बैंक र विकास हाइड्रोपावरको शेयरमूल्यमा सकारात्मक सर्किट लागेको छ । त्यस्तै, आज नेपाल रि इन्स्योरेन्सको ७६ करोड ९६ लाख रुपैयाँ र नेपाल पुनर्बीमा कम्पनीको २३ करोड ३९ लाख रुपैयाँले सर्वाधिक कारोबार भएको छ। साथै, हिमालयन डिस्टीलरीका २० करोड ६६ लाख रुपैयाँ, राधी विद्युतको १७ करोड ७१ लाख रुपैयाँ, छिमेक लघुवित्तको १७ करोड ६५ लाख रुपैयाँको कारोबार भएको हो ।
यस दिन १२ उपसूचकमा हरियाली आएको छ। विकास बैंक समूहको १.१० प्रतिशत, माइक्रो फाइनान्सको १.५९ प्रतिशतले शेयर मूल्य बढेको छ। नेपाल राष्ट बैंकले लघुवित्तमा लगाएको लाभांश सम्बन्धी सीमा १५ प्रतिशतबाट बढाएर २५ प्रतिशत पुराएसँगै माइक्रो फाइनान्समा आज सुधार देखिएको हो ।
