काठमाडौं। साताको दोस्रो कारोबार दिन सोमबार सेयर बजारमा उत्साहजनक वृद्धि देखिएको छ। नेप्से परिसूचक ८३.३३ अंकले उकालो लाग्दै २७६०.०२ बिन्दुमा पुगेको हो।
https://aarthikvoice.com/archives/87403
आज कुल २ करोड ५१ लाख ५५ हजार कित्ता सेयर करिब १० अर्ब ९२ करोड ८५ लाख रुपैयाँ बराबरमा किनबेच भएको छ। बजारमा सूचीकृत कम्पनीहरूमध्ये २६४ कम्पनीको सेयर मूल्य बढ्दा ३ कम्पनीको मूल्य घटेको छ भने १ कम्पनीको मूल्य यथावत् रहेको छ।
उपकार लघुवित्त, भुजुङ हाइड्रोपावर, रिडी पावर र नेशनल हाइड्रोपावरका सेयर १० प्रतिशतले वृद्धि भई सकारात्मक सर्किट लागेका छन्। त्यस्तै, सुपर खुदी हाइड्रोपावर, रिज लाइन इनर्जी, सूर्यकुण्ड हाइड्रो इलेक्ट्रिक र होटल फरेष्ट इन्नका सेयर ९.९९ प्रतिशतले बढेका छन्।
