काठमाडौँ। मंगलबार सेयर बजारमा सामान्य गिरावट देखिएको छ। नेप्से परिसूचक २.६१ अंकले घटेर २७५७.४० मा पुगेको हो।
आज कुल १ करोड ७४ लाख ६ हजार कित्ता सेयर ६ अर्ब ७३ करोड ७१ लाख रुपैयाँमा कारोबार भएका छन्।
आज ८२ कम्पनीको सेयर मूल्य वृद्धि भएको छ भने १७५ कम्पनीको मूल्य घटेको छ। १२ कम्पनीको सेयर मूल्य स्थिर रहेको छ।
त्यसैगरी, भुजुङ हाइड्रोपावर, सुपर खुदी हाइड्रोपावर, श्वेत गंगा हाइड्रोपावरमा १० प्रतिशतले सर्किट लागेको छ। रिज लाइन इनर्जी र सूर्यकुण्ड हाइड्रो इलेक्ट्रिकमा ९.९९ प्रतिशत र होटल फरेष्ट इन्नमा ९.९८ प्रतिशतले सर्किट लागेको छ।
