सिरहा । गोलबजार नगरपालिका–४ निपनियामा कञ्चनपुर–कमला सडक विस्तार आयोजनाको ढिलासुस्तीविरुद्ध स्थानीयले पूर्व–पश्चिम राजमार्ग अवरुद्ध गरेका छन्। प्रदर्शनका क्रममा उनीहरूले टायर बालेर विरोध जनाएका थिए।
स्थानीय बासिन्दा, व्यवसायी तथा सरोकारवालाहरूले शुक्रबार बिहान करिब डेढ घण्टा सडक बन्द गराउँदै निर्माण कार्यमा भइरहेको ढिलाइप्रति असन्तुष्टि व्यक्त गरेका हुन्। करिब सात वर्षअघि ‘चाइना रेलवे नं.
सामान्य वर्षामा समेत सडक हिलाम्मे भई आवतजावत अवरुद्ध हुने, विद्यार्थी विद्यालय जान नपाउने र स्वास्थ्य समस्या बढ्ने गरेको स्थानीयले बताएका छन्। आन्दोलनपछि सम्बन्धित कम्पनी र स्थानीय तहबीच बिहान १० बजे छलफल गर्ने सहमति भएपछि अवरुद्ध सडक खुलाइएको छ। सहमतिबाट ठोस निष्कर्ष ननिस्किए पुनः कडा आन्दोलन गर्ने चेतावनी समेत दिइएको छ।
पूर्व–पश्चिम राजमार्गअन्तर्गत लहान, गोलबजार र मिर्चैयालगायत क्षेत्रका नागरिकहरू सडक निर्माण अधुरो हुँदा सास्ती खेपिरहेका छन्। एसियाली विकास बैंकको सहयोगमा निर्माण भइरहेको ८६.८३ किलोमिटर सडक आयोजनामा हालसम्म करिब ६८ प्रतिशत मात्रै प्रगति भएको छ भने बाँकी काम अझै धेरै रहेको छ।
२०७७ असार ११ गते भएको सम्झौताअनुसार २०८० कात्तिकभित्र सम्पन्न हुनुपर्ने आयोजना विभिन्न कारणले पटक–पटक ढिलाइ भएको हो। निर्माण कम्पनीको सुस्त काम, वित्तीय समस्या, कोरोना महामारी, रुख कटान तथा विद्युत् संरचना सार्ने कार्यमा भएको ढिलाइले आयोजना प्रभावित भएको छ।
