काठमाडौँ । ‘आईएमई पे’ ले आईएमई पे मा ‘क्यासब्याकको वर्षा’ नामक अफर सार्वजनिक गरेको छ । ‘आईएमई पे’ ले असार महिनामा मनसुनलाई लक्षित गर्दै आईएमई पे मा ‘क्यासब्याकको वर्षा’ नामक अफर सार्वजनिक गरेको हो ।
कम्पनीका अनुसार यो हप्ता असार ३ देखि आईएमई पे ले एअरलाइन्समा क्यासब्याकको वर्षा सुरु गर्दैछ। एक हप्ताको लागि चल्ने सो अफरमा ग्राहकले प्रत्येक दिन साँझको ४ बजे देखि साँझको ६ बजेसम्म कुनैपनि एअरलाइन्सको टिकट काट्दा रु २०० क्यासब्याक पाउने छन्।
सो अन्तराल भित्रमा एअरलाइन्सको टिकट काट्ने ग्राहकले प्रोमोकोडहरुको प्रयोग गरेर पाउने छुट सहित यो छुट पनि पाउने छन्। यो अफर असार ९ सम्मका लागि मात्र रहने कम्पनीले जनाएको छ।
