काठमाडौँ। फाल्गुन कृष्ण चतुर्दशीका दिन मनाइने महाशिवरात्रि पर्वको अवसरमा आज देशभर सार्वजनिक बिदा दिएको छ। बिदाका कारण अधिकांश सरकारी निकाय तथा औपचारिक क्षेत्रका संस्थाहरू बन्द रहने भएका छन्।
सार्वजनिक बिदासँगै शेयर बजार, बैंक तथा वित्तीय संस्था, बीमा कम्पनी, सरकारी कार्यालय र शिक्षण संस्थाहरू बन्द भएका छन्। आज नेपाल स्टक एक्सचेञ्ज (नेप्से) मा कारोबार सञ्चालन बन्द हुने भएको छ ।
तर, अत्यावश्यक सेवा निरन्तरता दिनुपर्ने भएकाले अधिकांश विकास बैंक तथा वाणिज्य बैंकहरूले सीमित रूपमा सेवा सञ्चालन गरेका छन्। पूर्ण क्षमतामा सेवा नदिए पनि निश्चित शाखा तथा काउन्टरमार्फत नगद निकासी, जम्मा तथा आधारभूत बैंकिङ सेवा उपलब्ध गराइएको सम्बन्धित बैंकहरूले बताएका छन्।
महाशिवरात्रि पर्वका अवसरमा देशभरका शिव मन्दिरहरूमा भक्तजनको भीड लागिरहेको छ। धार्मिक आस्था र सांस्कृतिक महत्व बोकेको यस पर्वलाई मध्यनजर गर्दै सरकारले सार्वजनिक बिदा प्रदान गरेको हो।
