काठमाडौँ । ई–सेवामा भएको पैसा एटिएमबाट पनि झिक्न सकिने भएको छ । एभरेष्ट बैंकको एटिएमबाट ई–सेवामा भएको पैसा झिक्न पाइने भएको हो ।
आज (बुधबार) एभरेष्ट बैंकका डिसिओ विजयकुमार श्रेष्ठ र ई–सेवाका प्रमुख कार्यकारी अधिकृत (सीईओ) जगदीश खड्काले यसबारेमा सम्झौता गरेका छन् ।
यस्तो सम्झौता नेपालमा पहिलो पटक भएको एभरेष्ट बैंकका डिसिओ श्रेष्ठले बताए ।
यसअघि पनि ई–सेवाले एजेन्टहरूमार्फत दैनिक ५ हजारसम्म भुक्तानी दिँदै आएको थियो । अब एभरेष्ट बैंकको एटिएमबाट राष्ट्र बैंकको मापदण्डअनुसार बैंक तथा वित्तिय संस्थाबाट रकम झिक्न सकिने भएको हो ।
