काठमाडौँ । गत राति परेको वर्षाको कारण कर्णाली राजमार्गका विभिन्न ठाउँमा खसेको पहिरोको कारण सडक अवरुद्ध भएको छ।
दैलेखको दुल्लु नगरपालिका–३ बोटखोला र चामुण्डा बिन्द्रासैनी नगरपालिका–७ रामा घाटमा सडकमाथि पहिरो खसेर राजमार्ग अवरुद्ध उक्त राजमार्ग हुँदै आउने जाने गर्ने सवारी साधन तथा पैदल यात्री समस्यामा परेका छन् ।
यस्तै आठबीस नगरपालिका–१ मा पनि पहिरोले सडक अवरुद्ध हुँदा कर्णाली राजमार्गको दैलेख, कालीकोट र जुम्ला सडकखण्ड अवरुद्ध भएको छ । पहिरो पन्छाएर सडक खुलाउने तयारी भइरहेको प्रहरी प्रशासनको भनाई छ ।
