काठमाडौँ । सूर्य दर्शन सहकारीको रकम अपचलन गरेको मुद्दामा पूर्व डिआइजी छविलाल जोशी पक्राउ परेका छन् ।
सूर्य दर्शन सहकारीको रकम अपचलन गरेको मुद्दामा जोशीलाई प्रहरीले काठमाडौँबाट पक्राउ गरेको हो। पक्राउ परेका जोशी गोर्खा मिडिया नेटवर्कका सञ्चालक हुन् । सूर्य दर्शन सहकारीको संस्थापक अध्यक्ष गितेन्द्रबावु ९जीवी० राई, लामिछाने र जोशी व्यापारिक साझेदार हुन् ।
राष्ट्रिय स्वतन्त्र पार्टीका सभापति तथा पूर्व गृहमन्त्री रवि लामिछाने प्रबन्ध निर्देशक रहेको गोर्खा मिडियामा पाँच वटा सहकारीबाट ६५ करोड ५४ लाख अपचलन भएको सहकारी छानबिन समितिले प्रतिवेदनमा उल्लेख गरेको छ ।
जोशी पक्राउ परेसँगै पूर्व गृहमन्त्री रवि लामिछाने प्रहरीको निगरानीमा परेका छन् । सहकारीको रकम अपचलनबारे छानबिन गर्न बनेको संसदीय विशेष समितिले जोशी र लामिछानेलाई कारबाही गर्न सिफारिस गरेको थियो । प्रतिवेदन कार्यान्वयन गर्ने मन्त्रिपरिषद् बैठकको निर्णयपछि गृहमन्त्री रमेश लेखकले प्रहरीलाई आइतबार निर्देशन दिएका थिए । त्यसपछि जोशीलाई पक्राउ गरिएको हो ।
पोखराका सूर्य दर्शन सहकारी पीडितहरूले कास्की प्रहरीमा २०८० माघ २२ गते लामिछानेविरुद्ध जाहेरी दिएका थिए।
