काठमाडौं। हावाहुरीका कारण उत्पन्न विद्युत् सर्ट भएपछि दाङको लमहीस्थित नेपाल विद्युत् प्राधिकरणको सबस्टेशनमा आगलागी भएको छ। प्रहरीले दिएको जानकारी अनुसार १३२ केभी क्षमताको उक्त सबस्टेशनमा दिउँसो करिब साढे १ बजे आगो लागेको हो।
आगलागी सबस्टेशनको कन्ट्रोल हाउस क्षेत्रमा सीमित भए पनि ठूलो क्षति हुनबाट जोगिएको वडा प्रहरी कार्यालय लमहीले जनाएको छ। घटनास्थलमा समयमै दमकल पुगेपछि आगो चाँडै नियन्त्रणमा लिइएको र क्षति न्यून रहेको प्रहरीको भनाइ छ।
