काठमाडौं। हिमालयन लाइफ इन्स्योरेन्स कम्पनीको अध्यक्ष पदमा नारायण बजाज चयन भएका छन्। चैत २३ गते बसेको कम्पनीको सञ्चालक समितिको बैठकले उनलाई अध्यक्षको जिम्मेवारी दिने निर्णय गरेको हो।
संस्थापक समूह अन्तर्गत खाली रहेको सञ्चालक पदमा लक्ष्मी कर्प नेपाल प्रालिको प्रतिनिधिका रूपमा रहेका बजाजलाई सोही पदमार्फत अध्यक्षमा नियुक्त गरिएको कम्पनीले जनाएको छ।
उनको नियुक्ति आजैबाट लागू हुने गरी निर्णय गरिएको हो।
