काठमाडौँ । ज्यान मार्ने उद्योगमा फरार प्रतिवादीलाई कैलाली प्रहरीले गोली प्रहार गरेर नियन्त्रणमा लिएको छ।
फरार प्रतिवादीलाई पक्राउ गर्ने क्रममा भजनी ७ मा मिलन चन्द र हृदम ढुङ्गानालाई गोली हानिएको प्रहरीको भनाइ छ । दुवै जनालाई घुँडामुनि एक/एक राउन्ड गोली लागेको छ।
पक्राउ गर्न खोज्दा प्रहरीमाथि आक्रमणको प्रयास भएपछि आत्मरक्षाको लागि गोली चलाइएको कैलाली प्रहरीले जनाएको छ । हाल घाइतेहरूलाई उपचारका लागि सेती प्रादेशिक अस्पतालमा लगिएको छ ।
