काठमाडौंः नेपाल बिमक संघले सरकारबाट बाँकी अनुदान रकम प्राप्त नभएसम्म कृषिसम्बन्धी बिमा लेख जारी नगर्ने निर्णय गरेको जानकारी दिएको छ।
बिमक संघले विज्ञप्ती जारी गर्दै चैत १ गतेदेखि कृषिसँग सम्बन्धित बिमा लेखको बिमा शुल्क पूरा भुक्तानी नभएसम्म बिमा लेख जारी नगर्ने जनाएको छ। सरकारले कृषि बिमा वापतको २ अर्ब रुपैयाँ भुक्तानी नदिएपछि निर्जीवन बिमा कम्पनीहरूले कृषि सम्बन्धी बिमा लेख रोक्न लागेका हुन् ।
बिमक संघले जारी गरेको प्रेस विज्ञप्तिमा भनिएको छ, ‘चैत्र १ गतेदेखि कृषिसँग सम्बन्धित बिमा लेखको पनि बिमा शुल्क पुरा भुक्तानी नभएसम्म बिमा लेख जारी नहुने सर्वसाधारण तथा सरोकारवाला निकायलाई जानकारी गराउँदछौ ।’
सरकारले २०६९ सालदेखि कृषक र कृषिलाई प्राथमिकता दिई कृषि बिमा शुल्कमा क्रमशः अनुदान दिँदै आएको छ ।
‘बिमा ऐन २०७९ अनुसार बिमालेखहरु उधारोमा जारी गर्न नपाइने भएकोले कृषि मन्त्रालय तथा विभागलाई पटक पटक जानकारी गराइएको हो ।
