काठमाडौं । चाडपर्व नजिकिएसँगै शहर बजारमा बसोबास गर्नेहरु बिस्तारै गाउँ फर्किन थालेका छन् । पसल, होटल, व्यवसाय गर्नेहरुलाई हतारो परेको छ । दसैं मनाउन राजधानीबाट बाहिरिनेको सङ्ख्या बढ्दो छ । योसंगै राजधानीबाट बाहिरिने यात्रुहरुले काठमाडौ चितवन पोखरा लगायतका अन्य मुख्य राजमार्गमै लामो जाम तथा गर्मीका कारण सास्ती खेप्नुपरेको छ ।
राजधानी भित्रिने र राजधानीबाट पूर्वपश्चिमका जिल्ला जाने यात्रुहरुले जामको सास्ती खेप्नु परेको गुनासो गरेका छन् । मलेखुदेखि चितवन मुग्लिङसम्म कै जामको कारण बिहानै देखि विभिन्न स्थानमा छुट्ने गाडी विच बाटोमै अलपत्र परेको एकजना यात्रुले आर्थिक भ्वाइसलाई जानकारी दिए ।
एकसाता देखिको सवारी चापले गर्दा नौबिसे–नागढुङा अन्र्तगत पर्ने त्रिभुवन राजपथ र नौविसेदेखि मुग्लिनसम्मको पृथ्वी राजमार्गमा ठाउँ ठाउँमा सवारी जाम पर्ने गरेको छ । असुरक्षित यात्रा र अड्कल गरेको समयमा ठाउँमा नपुग्नु आम जनताको हैरानीको विषय बनेको छ ।
अहिले चाडपर्वको समयमा सवारीको चाप बढ्दा काठमाडौ जोड्ने राजमार्गहरुमा दोब्बर जाम बढेको छ ।
