काठमाडौं । विश्वभरको मध्यम क्रूजर मोटरसाइकल सेग्मेन्टमा अग्रणी ब्रान्ड रॉयल एनफिल्डले आज नेपालमा आफ्नो नयाँ र रिफ्रेश गरिएको मेटिओर ३५० लाइनअप सार्वजनिक गरेको छ। नयाँ मेटिओर ३५० मनोरञ्जनात्मक यात्राका लागि तयार गरिएको “इजी क्रूजर” हो, जसले क्रूजर शैली, सहज सवारी अनुभव र आकर्षक डिजाइनलाई नयाँ मापदण्डमा प्रस्तुत गरेको छ।
२०२० मा सुरु भएको मेटिओर ३५० अहिले चार भेरियन्ट – फायरबल, स्टेलर, ऑरोरा, सुपरनोभा – र सात नयाँ रङ विकल्पसहित उपलब्ध छ। नयाँ ३४९ सिसी एयर–कुल्ड जे–सिरीज इन्जिनले अधिकतम २०.२ बीएचपी र २७ एनएम टर्क प्रदान गर्दछ।
रॉयल एनफिल्डले प्रत्येक भेरियन्टमा विशेष रङ स्किम र शैली समावेश गरेको छ। सुपरनोभा आधुनिक रङ संयोजनमा, ऑरोरा रेट्रो–स्टाइल रङमा, स्टेलर संयमित र बोल्ड रंगमा, र फायरबल युवा र जीवन्त रंगमा उपलब्ध छन्।
बी. गोविन्दराजन, म्यानेजिङ डाइरेक्टर आइचर मोटर्स र रॉयल एनफिल्डका मुख्य कार्यकारी अधिकारीले भने "मेटिओर ३५० केवल मोटरसाइकल होइन, खुला सडकमा सहज यात्राको जीवनशैली र स्मरणीय अनुभवको प्रतीक हो। हामी नयाँ संस्करण नेपालमा ल्याउन उत्साहित छौं र यसले हाम्रो समुदायलाई अझ उचाइमा पुर्याउनेछ।"
नयाँ मेटिओर ३५० ग्राहकका लागि आकर्षक GMA एक्सेसरी किटमा पनि उपलब्ध छ, जसमध्ये अर्बन किट र ग्र्यान्ड टुरर किट समावेश छन्। यसले मोटरसाइकलको रूप र कार्यक्षमता व्यक्तिगत शैलीअनुसार अनुकूल बनाउँछ।
२०२५ मेटिओर ३५० अब नजिकको रॉयल एनफिल्ड शोरूम, रॉयल एनफिल्ड एप, वा कम्पनीको वेबसाइट www.royalenfield.com मार्फत अवलोकन र अर्डर गर्न सकिन्छ।
