काठमाण्डौं । सिजी मोटर्सले यस दशैं अफर अनर्तगत ग्राहकहरूको लागि नेटा भी र नेटा एक्समा विशेष अफरहरू सार्वजनिक गरेको छ । विद्युतीय गाडी किन्न चाहनेहरूका लागि यो अफर निकै फाइदाजनक हुने कम्पनीले जनाएको छ । नेटा भी किन्दा, ग्राहकहरूले ५० हजारसम्मको निश्चित नगद छुट पाउने भएका छन् ।
साथै,आफ्नो पुरानो गाडी साटेर नयाँ ईभी किन्न चाहनेहरूका लागि थप ५० हजारसम्मको एक्सचेन्ज बोनसको सुविधा पनि दिइएको कमपनीले जनाएको छ ।
विद्युतीय गाडी नेटा भी मा ४०.७ किलोवाट क्षमताको ब्याट्री रहेको छ । र यसमा भएको १२० एनएमटर्कले गतिशील ड्राइभिङ अनुभवलाई थप उत्कृष्ट बनाउने कम्पनीको भनाई छ । नेटा भी ले २० मिनेटमा ३० प्रतिशतबाट ८० प्रतिशतसम्मको छिटो चार्ज सुविधा दिने कम्पनीको दावी छ । एकपटकको चार्जमा ३८० किमि टाढासम्मको यात्रा गर्न सक्ने क्षमता रहेको नेटा भी मा सिएटियलका लिथियम आइरन फस्फेट ब्याट्रीहरू छन् । जसको ८ वर्ष वा १ लाख ५० हजार किमी सम्मको वारेन्टी रहेको कम्पनीले जनाएको छ ।
