काठमाडौँ। फोटोन टुनल्यान्ड G7 ले युरोपेली बजारमा उल्लेखनीय सफलता हासिल गर्दै आफ्नो विश्वस्तरीय इन्जिनियरिङ क्षमताको पुष्टि गरेको छ। नेपालमा औपचारिक रूपमा उपलब्ध हुनुअघि नै टुनल्यान्ड G7 ले अन्तर्राष्ट्रिय बजारमा विश्वसनीयता स्थापित गरिसकेको थियो। त्यसैको एक महत्वपूर्ण उदाहरणका रूपमा इटालीमा ४०० युनिटको अर्डर प्राप्त हुनु लाई लिइएको छ।
कडा अटोमोटिभ नियम, उच्च गुणस्तर मापदण्ड र उपभोक्ताको कडा अपेक्षाका लागि परिचित इटालीको बजारमा यस्तो सफलता प्राप्त गर्नु आफैंमा महत्वपूर्ण उपलब्धि मानिन्छ।
युरोपेली ग्राहकहरूले सवारी साधनमा टिकाउपन, अन्तर्राष्ट्रिय मापदण्डअनुसारको गुणस्तर र लामो समयसम्म भरपर्दो प्रदर्शनलाई प्राथमिकता दिने गर्छन्। ती सबै अपेक्षालाई टुनल्यान्ड G7 ले सफलतापूर्वक पूरा गरेको बताइन्छ। कम्पनीका अनुसार यो कुनै नयाँ लन्च वा बिक्री घोषणा नभई टुनल्यान्ड G7 को स्थापित विश्वव्यापी ट्र्याक रेकर्डको स्मरण मात्र हो।
इटालीमा प्राप्त सफलताले टुनल्यान्ड G7 ले आफ्नो घरेलु बजारभन्दा बाहिर पनि वास्तविक ड्राइभिङ अवस्था र कडा गुणस्तर परीक्षणहरू पार गर्दै ग्राहकको विश्वास जितिसकेको तथ्यलाई पुष्टि गर्दछ। यही अन्तर्राष्ट्रिय रूपमा प्रमाणित मोडल अहिले नेपाली बजारमा पनि उपलब्ध रहेको कम्पनीले जनाएको छ।
नेपालमा उपलब्ध टुनल्यान्ड G7 मा बजारअनुसार कुनै पनि किसिमको गुणस्तर सम्झौता नगरिएको दाबी गरिएको छ। नेपाली ग्राहकहरूले पनि अन्तर्राष्ट्रिय बजारमा उपलब्ध उही स्तरको गुणस्तर, सुरक्षा मापदण्ड र प्रदर्शन भएको मोडल पाउने कम्पनीको भनाइ छ।
नेपालको विविध भौगोलिक बनावट र कठिन ड्राइभिङ अवस्थालाई ध्यानमा राख्दा सवारी साधनको भरपर्दो क्षमता अत्यन्त आवश्यक हुने बताइन्छ। टुनल्यान्ड G7 को अन्तर्राष्ट्रिय स्वीकार्यताले कठिन वातावरणमा पनि यस पिकअपले स्थिर र भरपर्दो प्रदर्शन गर्ने क्षमताप्रति उपभोक्ताको विश्वास थप मजबुत बनाउने अपेक्षा गरिएको छ। व्यवसायिक प्रयोजन, दैनिक प्रयोग तथा भारी वर्कलोडका लागि यो पिकअप उपयुक्त विकल्पका रूपमा प्रस्तुत गरिएको छ।
युरोपमा हासिल गरिएको यो माइलस्टोन आज पनि सान्दर्भिक रहेको उल्लेख गर्दै कम्पनीले अन्तर्राष्ट्रिय रूपमा प्रमाणित र सम्मानित टुनल्यान्ड G7 नेपाली सडकका लागि पूर्ण रूपमा तयार रहेको जनाएको छ।
एमएडब्लू वृद्धि कमर्सियल
एमएडब्लू वृद्धि कमर्सियल नेपालमा व्यावसायिक सवारी साधन आपूर्ति गर्ने अग्रणी कम्पनी हो। फोटोन सवारी साधनको आधिकारिक वितरकका रूपमा रहेको कम्पनीले विश्वसनीयता, प्रदर्शन र ग्राहक सन्तुष्टिलाई प्राथमिकतामा राख्दै आएको छ। देशभर फैलिएको शोरूम तथा सेवा केन्द्रहरूको सञ्जालमार्फत कम्पनीले उच्च गुणस्तरीय सवारी साधन र विश्वस्तरीय आफ्टर–सेल्स सेवा प्रदान गर्दै आएको छ।
