काठमाडौँ । हिमालयन बैंकले चालु आर्थिक वर्षको दोस्रो त्रैमाससम्मको वित्तीय विवरण सार्वजनिक गरेको छ । बैंकले चालु आर्थिक वर्षको दोस्रो त्रैमाससम्ममा कम्पनीको मुनाफा ५७.५३ प्रतिशतले बढेर १ अर्ब ५० करोड ३९ लाख ७४ हजार रुपैयाँ रहेको छ । गत आर्थिक वर्षको सोहि अवधिमा कम्पनीको नाफा ९५ करोड ४७ लाख ४ हजार रुपैयाँ रहेको थियो ।
चालु आर्थिक वर्षको दोस्रो त्रैमाससम्ममा कम्पनीको खुद ब्याज आम्दानी र संचालन नाफामा समेत उल्लेख्य वृद्धि भएको छ । कम्पनीको खुद ब्याज आम्दानी ५९.५० प्रतिशतले बढेर ५ अर्ब ८२ करोड ९४ हजार रुपैयाँ रहेको छ । गत आर्थिक वर्षको सोहि अवधिमा कम्पनीको उक्त आम्दानी ३ अर्ब ६४ करोड ८८ लाख रुपैयाँ रहेको थियो ।
यता, कम्पनीको संचालन नाफा २ अर्ब २१ करोड १७ लाख रुपैयाँ रहेको छ । जुन गत आर्थिक वर्षको तुलनामा ५९.२० प्रतिशतले बढी हो । गत आर्थिक वर्षका कम्पनीको उक्त नाफा १ अर्ब ३८ करोड ९२ लाख रुपैयाँ रहेको थियो ।
पुस मसान्तसम्ममा बैंकको खराब कर्जा ४.९५ प्रतिशत, वितरणयोग्य नाफा १ अर्ब २८ करोड ऋणात्मक, चुक्ता पुँजी २१ अर्ब ६५ करोड ६६ लाख रुपैयाँ र जगेडा कोषमा १७ अर्ब ९८ करोड रुपैयाँ सञ्चित छ । कम्पनीको प्रतिशेयर आम्दानी १३ रुपैयाँ ८९ पैसा र प्रतिशेयर नेटवर्थ १६२.१७ रुपैयाँ छ ।
