काठमाडौं । नेपाल राष्ट्र बैंकको गैर–बैंक वित्तीय संस्था सुपरिवेक्षण विभाग स्थानान्तरण गरिएको छ । विभाग पुस ९ गतेदेखि राष्ट्र बैंककै बालुवाटारस्थित केन्द्रीय कार्यालय भवनमा स्थानान्तरण गरिएको हो ।
यसअघि उक्त विभाग बालुवाटारस्थित गैरआवासीय नेपाली संघ (एनआरएनए)को भवनबाट सञ्चालन हुँदै आएको थियो ।
विभाग स्थानान्तरण भएसँगै गैर–बैंक वित्तीय संस्था सुपरिवेक्षण विभागबाट प्रदान हुने सम्पूर्ण सेवा अब केन्द्रीय कार्यालय भवनबाटै सञ्चालन भइरहेको राष्ट्र बैंकले एक सूचना मार्फत जानकारी दिएको छ ।
