सिद्धार्थ बैंकको बोनस सेयरपछि घट्यो समायोजित मूल्य, कति पुग्यो?

काठमाडौं । सिद्धार्थ बैंक लिमिटेडको सेयरमूल्य समायोजन भएको छ। बैंकले लाभांश वितरणका लागि बुक क्लोज गरेपछि नेपाल स्टक एक्सचेन्ज (नेप्से) ले सेयरमूल्य समायोजन गरेको हो।

बैंकले प्रस्ताव गरेको १० प्रतिशत बोनस सेयरका आधारमा नेप्सेले बैंकको सेयरमूल्य ४१८.०९ रुपैयाँ कायम गरेको छ। समायोजनअघि बैंकको सेयरमूल्य ४५९.९० रुपैयाँ थियो।

अब बैंकको सेयर कारोबार ४१८.०९ रुपैयाँको समायोजित मूल्यलाई आधार मानेर खुल्नेछ।