काठमाडौं । माइतीघर–बबरमहल क्षेत्रमा सहकारी पीडितहरूले सडकमा उत्रिएर प्रदर्शन गरेका छन्। सोमबार दिउँसो पीडित बचतकर्ताहरू प्लेकार्डसहित विरोधमा सहभागी भएका हुन्।
प्रदर्शनका क्रममा उनीहरूले बचतकर्तामाथि भइरहेको अन्याय अन्त्य गर्न, ठगी नियन्त्रण गर्न र आफूहरूलाई छिटो न्याय दिलाउन माग गरेका थिए। विभिन्न नारासहितको प्लेकार्ड बोकेका प्रदर्शनकारीहरूले सरकारको ध्यानाकर्षण गराएका छन्।
यो प्रदर्शन सहकारी बचतकर्ता संरक्षण राष्ट्रिय अभियानको संयोजकत्वमा आयोजना गरिएको हो। पीडितहरूले आफ्नो रकम सुरक्षित फिर्ता पाउन र जिम्मेवार पक्षमाथि कारबाही गर्न माग गरेका छन्।
