काठमाडौं । पोखराको सूर्यदर्शन सहकारी ठगी प्रकरणमा संलग्न आरोप लागेका महेन्द्र भोटे धरौटीमा छुटेका छन्। कास्की जिल्ला अदालतले उनलाई ५ लाख रुपैयाँ धरौटीमा रिहा गर्ने आदेश दिएको हो। भोटेले करिब १७ करोड रुपैयाँ बराबरको बिगो तिर्ने कबुल गरेपछि अदालतले उनलाई थुनामुक्त गरेको हो।
उक्त मुद्दामा ठूलो रकम अपचलन भएको आरोप लाग्दै आएको छ।
सहकारीमार्फत विभिन्न व्यक्तिहरूले नक्कली सदस्य र कम्पनीको नाममा रकम निकालेको अनुसन्धानले देखाएको छ। सोही प्रकरणमा १९ जनाविरुद्ध मुद्दा दर्ता गरिएको छ भने अर्बौं रुपैयाँ बिगो दाबी गरिएको छ।
अनुसन्धानका क्रममा सहकारीको रकम विभिन्न कार्यकालमा अध्यक्ष रहेका व्यक्तिहरूको समयमा दुरुपयोग भएको देखिएको छ। जीबी राई समूहसँग सम्बन्धित व्यक्तिहरूको नेतृत्वकालमा सबैभन्दा बढी रकम अपचलन भएको उल्लेख छ। भोटेले पनि करिब साढे ८ करोड रुपैयाँ बराबर रकम लिएको आरोप छ।
