काठमाडौं । मञ्जुश्री फाइनान्सको दोस्रो त्रैमाससम्ममा खुद नाफा २२.७५ प्रतिशतले घटेर १० करोड ५४ लाख ७१ हजार रुपैयाँमा सीमित भएको छ।
अघिल्लो वर्षको सोहि अवधिमा यसले १३ करोड ६५ लाख २९ हजार रुपैयाँ खुद नाफा कमाएको थियो । खुद ब्याज आम्दानी भने १४.९९ प्रतिशतले घटेर ३७ करोड ३३ लाख ८५ हजार रुपैयाँ पुगेको छ ।
त्यस्तै खुद ब्याज आम्दानी बढे पनि खराब कर्जामा वृद्धि भएको कारण यस फाइनान्सको नाफा भने प्रभावित भएको छ । खराब कर्जा १.४८ प्रतिशतले बढेर ३.५० प्रतिशत पुगेको छ । खराब कर्जासँगै इम्पेयरमेन्ट चार्ज पनि बढेको छ।
गत वर्ष २३ लाख ९३ हजार रुपैयाँ रहेको इम्पेयरमेन्ट चार्ज यो वर्ष ९ करोड ८३ लाख १४ हजार रुपैयाँ पुगेको छ । पुस मसान्तसम्म आइपुग्दा चुक्ता पुँजी १ अर्ब ३५ करोड १५ लाख ५३ हजार रुपैयाँ छ । नाफा घटेसँगै प्रतिसेयर आम्दानी पनि घटेको छ ।
