काठमाडौं । लक्ष्मी सनराइज बैंकले ऋणपत्र जारी गर्न नियामकबाट स्वीकृति प्राप्त गरेको छ। नेपाल धितोपत्र बोर्डको अनुमति पछि बैंकले ७ प्रतिशत ब्याजदरमा ऋणपत्र निष्कासन गर्ने तयारी गरेको हो।
बैंकले प्रति इकाई १०० रुपैयाँ अंकित मूल्यमा कुल ३ अर्ब रुपैयाँ बराबरका ३० लाख इकाई ऋणपत्र सार्वजनिक गर्नेछ। यसमध्ये १ अर्ब ८० करोड रुपैयाँ बराबरका इकाई निजी तवरबाट र बाँकी १ अर्ब २० करोड रुपैयाँ बराबरका इकाई सर्वसाधारणका लागि छुट्याइएको छ।
उक्त ऋणपत्रको अवधि १० वर्ष रहनेछ। बिक्री व्यवस्थापनको जिम्मेवारी माछापुच्छ्रे बैंकलाई दिइएको छ। धितोपत्र बोर्डले असार ९ गते यसका लागि अनुमति प्रदान गरेको जनाएको छ।
