काठमाडौँ । नेपाली कांग्रेसले तीनवटा विषयगत समिति सभापतिका उम्मेदवारको नाम टुंगो लगाएको छ । कांग्रेस संसदीय दलले प्रतिनिधिसभाको विषयगत समिति अन्तर्गतको राज्य व्यवस्था तथा सुशासन समिति सभापतिको उम्मेदवार रामहरि खतिवडालाई बनाएको छ ।
देउवाले समितिको सभापति बनाउने नै कानुन समितिबाट खतिवडा सुशासन समितिमा ल्याएका थिए । यस्तै अर्थ समितिको सभापतिमा काठमाडौँ– ३ बाट निर्वाचित सन्तोष चालिसेलाई कांग्रेसले उम्मेदवार बनाएको छ ।
त्यस्तै कृषि, सहकारी तथा प्राकृतिक स्रोत समितिको सभापतिमा आरजु राणालाई उम्मेदवार बनाइने छ । संसदका संयुक्त र विषयगत गरी १२ कांग्रेसको भागमा चार समितिको नेतृत्व परेको छ ।
संसदीय सुनुवाइ समितिको सभापतिको उम्मेदवार भने कांग्रेसले टुंगो लगाइएको छैन ।
