काठमाडौं । नेपाल धितोपत्र बोर्डले अध्यक्ष सन्तोषनारायण श्रेष्ठसँग जोडेर आएका समाचारहरूको खण्डन गरेको छ । अध्यक्ष श्रेष्ठले हाइड्रोपावरको आइपीओ अनुमतिका लागि कमिसन मागेको आरोपलाई धितोपत्र बोर्डले तथ्यहीन, आधारविहीन, कपोकल्पित र भ्रामक भन्दै खण्डन गरेको हो ।
पूँजी बारको क्षेत्रमा हुन थालेको सुधारबाट अत्तालिएर नियोजित रूपमा प्रायोजित सामग्रीको सम्प्रेषणले नियामकको छवि धुमिल पार्ने खोजिएको पनि बोर्डले आरोप लगाएको छ । साथै बोर्ड अध्यक्षको नाम लिएर कसैले गैरकानुनी फाइदा लिएको जानकारी भएमा तथ्यागत विवरण उपलब्ध गराइदिन पनि बोर्डले आग्रह गरेको छ ।
