काठमाडौँ । आज नेपाल प्रिमियर लिग (एनपीएल) को उपाधिका लागि प्रतिस्पर्धा हुँदै छ। खेल त्रिवि क्रिकेट मैदानमा दिउँसो १२.३० बजे बाट सुरु हुनेछ।
उपाधिका निम्ति जनकपुर बोल्ट्स र सुदूरपश्चिमको सुदूरपश्चिम रोयल्सबीच प्रतिस्पर्धा हुँदै छ।
लिग चरणका ७ मध्ये १ खेलमा मात्र हार व्यहोरेको सुदूरपश्चिमले १२ अंकसहित शीर्ष स्थान हासिल गरेको थियो।
दोस्रो स्थानमा रहँदै प्लेअफ आएको जनकपुरले समान खेल खेल्दा २ हारसहित १० अंक जोडेको थियो। फाइनल जित्ने टिमले एनपीएलको आकर्षक ट्रफीसँगै नगद १ करोड १० लाख पुरस्कार पनि पाउनेछ। यो नेपाली खेलकुदमा कुनै पनि खेलको विजेताले पाउने सबैभन्दा ठुलो रकम हो ।
