काठमाडौँ । एशियन लाइफ इन्स्योरेन्सको प्रमुख कार्यकारी अधिकृत (सीईओ) मा दिनेशलाल श्रेष्ठ पुनः दोहोरिने भएका छन् ।
श्रेष्ठलाई कम्पनी सञ्चालक समितिको बैठकले थप ४ वर्षका लागि पुनः सीईओमा नियुक्त गर्ने निर्णय गरेको हो । उनलाई आगामी माघ १ गतेदेखि सीईओमा पुनः नियुक्ति गर्ने निर्णय भएको हो । श्रेष्ठको पहिलो कार्यकाल पुस मसान्तमा सकिँदै छ।
त्रिभुवन विश्वविद्यालयबाट एमबिएसम्मको अध्ययन पूरा गरेका श्रेष्ठ एशियन लाइफको सीईओ बन्नुअघि श्रेष्ठ गुहेश्वरी मर्चेन्ट बैंकिङ एण्ड फाइनान्समा सीईओको रूपमा कार्यरत थिए ।
