काठमाडौं । आज बिहीबारका दिन सुनको भाउ स्थिर रहँदा चाँदीको भाउ भने वृद्धि भएको छ । आज चाँदी प्रती तोला १५ रुपैयाँले महङ्गिएको हो ।
नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख १९ हजार रुपैयाँमा कारोबार भइरहेको छ । जुन मूल्य बुधवारकै कायम हो भने तेजाबी सुन प्रति तोला एक लाख १८ हजार चार सय ५० रुपैयाँमा कारोबार भइरहेको छ ।
सुनको मूल्य केही समयअघि प्रति तोला एक लाख २१ हजार छ सय पुग्दै अल टाइम हाई रेकर्ड बनाएको थियो । यसैगरी आज चाँदी प्रति तोला एक हजार चार सय ८० रुपैयाँमा कारोबार भइरहेको छ ।
