काठमाडौँ। चालु आर्थिक वर्ष २०८१।०८२ को पाँच महिनामा जीवन लघुबीमा कम्पनीहरूले साढे ४० करोड रुपैयाँ बराबरको बीमा शुल्क आर्जन गरेका छन् ।
बीमा प्राधिकरणले आज सार्वजनिक गरेको तथ्याङ्गका अनुसार चालु आर्थिक वर्षको मंसिर मसान्तसम्ममा हाल सञ्चालनमा रहेका लघुबीमाहरुले ४० करोड ३४ लाख ८४ हजार रुपैयाँको व्यवसाय गरेका छन् ।
यस अवधिमा सबैभन्दा बढी गार्डियन माइक्रो लाइफ इन्सोरेन्सले बीमा शुल्क आर्जन गर्ने गरेको छ ।
त्यस्तै, उक्त पाँच महिनाको अवधिमा क्रेष्ट माइक्रो लाइफले १४ करोड ७८ लाख र लिबर्टी माइक्रो लाइफले ९ करोड ९८ लाख रुपैयाँको बीमा शुल्क आर्जन गरेका छन्।
मंसिर महिनामा मात्र कम्पनीले ९ करोड ७६ लाख रुपैयाँको व्यवसाय गर्ने सफल भएका हुन् । मंसिर महिनामा गार्डियनले ३ करोड ६६ लाख, क्रेष्टले ३ करोड ६३ लाख र लिबर्टीले २ करोड ४६ लाख रुपैयाँको व्यवसाय गरेको तथ्याकंमा उल्लेख छ ।
