टिकटक पुरापुर खुलाउन टिकटकका प्रतिनिधि नेपालमा

काठमाडौं । । सरकारले प्रतिबन्ध हटाएसँगै चिनियाँ एप टिकटकका प्रतिनिधि काठमाडौँ आएका छन् । नेपाल सरकारले शर्तसहित प्रतिबन्ध हटाउने सरकारको निर्णयपछि ३ जना प्रतिनिधि सम्मिलित टिकटकका पदाधिकारी नेपाल आएका हुन् ।

सरकारले २०८० कात्तिक २७ गते टिकटक बन्द गरेको थियो । त्यसको ९ महिनापछि गत ६ भदौमा सरकारले शर्तसहित टिकटकमाथिको प्रतिबन्ध हटाएको थियो । तर सञ्चार तथा सूचना प्रविधिमन्त्री भने दूरसञ्चार प्राधिकरणलाई प्रतिबन्ध हटाउन निर्देशन दिएको छैन ।