काठमाडौँ। नेपाल दूरसञ्चार कम्पनी (नेपाल टेलिकम)को गत आर्थिक वर्षको चौथो त्रैमाससम्ममा नाफा र आम्दानी दुवैमा गिरावट आएको छ । उक्त अवधिमा कम्पनीले ६ अर्ब ६१ करोड रुपैयाँ खुद नाफा आर्जन गरेको छ।
जुन अघिल्लो आवको सोही अवधिको तुलनामा १६.४४ प्रतिशतले कम हो ।
अघिल्लो आवको अन्त्यसम्म भने कम्पनीले ७ अर्ब ९२ करोड रुपैयाँ खुद नाफा आर्जन गरेको थियो । नाफासँगै कम्पनीको आम्दानीमा पनि गिरावट आएको छ।
कम्पनीको रिजर्भको आकार ७६ अर्ब ५७ करोड रुपैयाँ बराबर रहेको छ । जुन अघिल्लो आवको सोही अवधिको तुलनामा ०.८३ प्रतिशतले बढी हो । कम्पनीको कुल चालु सम्पत्ति ४९ अर्ब ९४ करोड रुपैयाँ र कुल चालु दायित्व १९ अर्ब ४३ करोड रुपैयाँ रहेको छ ।
त्यस्तै कम्पनीको नाफा घटेसँगै कम्पनीको प्रतिसेयर आम्दानी (ईपीएस) पनि घटेको छ । कम्पनीको ईपीएस ४४ रुपैयाँबाट घटेर ३६.७७ रुपैयाँ कायम भएको छ । कम्पनीको प्रतिसेयर नेटवर्थ ५२५.४३ रुपैयाँ, प्रतिसेयर कुल सम्पत्तिको मूल्य ७५८.४६ रुपैयाँ कायम रहेको छ।
