काठमाडौँ । आज तय गरिएको धितोपत्र बोर्ड अध्यक्ष नियुक्तिका लागि अन्तर्वार्ता रोकिएको छ। छनोट सूचीमा परेका बाँकी तीन जनालाई आज बिहान ८ बजे अन्तर्वार्ता तथा कार्य योजना प्रस्तुतिका लागि सिंहदरबार बोलाइएको थियो।
अर्थ मन्त्रालयले विशेष कारणवश रोक्नुपरेको जानकारी दिएको छ । राष्ट्रिय योजना आयोगका उपाध्यक्ष डा.शिवराज अधिकारी डेंगुका कारण अस्पताल भर्ना भएकाले अन्तर्वार्ता रोकिएको सुन्नमा आए पनि विशेष कारण भने बाहिरिएको छैन।
अन्तर्वार्ता का लागि नवराज अधिकारी, चिरञ्जीवी चापागाईँ र कृष्णबहादुर कार्कीलाई बोलाइएको थियो ।
यसअघि अध्यक्षको नाम सिफारिस हुन नसकेपछि सरकारले नयाँ प्रक्रिया सुरु गर्न अर्को सिफारिस समिति बनाएको थियो । छनोटको सूचीमा परेका उम्मेदवार सन्तोषनारायणले नयाँ प्रक्रिया सुरु गर्ने कानुनी व्यवस्था नभएको भन्दै सर्वोच्च अदालतमा मुद्दा हालेका थिए ।
