काठमाडौँ। कुमारी बैंक लिमिटेड र प्राइम कमर्सियल बैंक लिमिटेडको संस्थापक शेयर बिक्रीमा ल्याएको छ । संस्थापक सेयर धनीहरूको नाममा रहेको शेयर बैंकले बिक्रीमा ल्याएको हो ।
कुमारी बैंकले ८८ हजार ३५० कित्ता शेयर संस्थापक शेयर धनीहरूका लागि बिक्रीमा ल्याएको छ। शेयर खरिद गर्न इच्छुक संस्थापकले ३५ दिनभित्र शेयर रजिस्ट्रार कुमारी क्यापिटल वा बैंकको प्रधान कार्यालयमा निवेदन दिनु पर्ने बैंकले उल्लेख गरेको छ ।
त्यस्तै, प्राइम बैंकले पनि संस्थापक शेयर बिक्रीमा राखेको छ । बैंकले केही कित्ता शेयर सर्वसाधारणका लागि र केही कित्ता संस्थापकका लागि बिक्री खुला गरिएको जनाएको छ ।
शेयर बिक्री गर्ने संस्थापकको नाम र मूल्यका लागि कम्पनी सचिवको कार्यालयमा सम्पर्क गर्न बैंकले प्रकाशित गरेको सूचनामा भनिएको छ । निवेदन पेश गर्नका लागि सर्वसाधारणलाई १५ दिन र संस्थापकलाई ३५ दिनको समयावधि निर्धारण गरिएको छ ।
