काठमाडौँ । बीमा सम्बन्धी गुनासो अब अनलाइनकै माध्यमबाट राख्न सकिने भएको छ । नेपाल बीमा प्राधिकरणले उक्त व्यवस्थाको सुचारु गरेको जनाएको हो ।
यस अगाडी कुनै गुनासो वा परामर्शको निमित्त समेत उजुरी शाखा धाउनु परेको थियो तर अब अनलाइनमार्फत नै बीमा गुनासो राख्न मिल्ने भएसँगै उक्त समस्या मुक्त भएको प्राधिकरणको भनाई छ ।
प्राधिकरणले बीमा व्यवसाय, बीमक, बीमित सम्बन्धी केही गुनासो गनुपरेमा अनलाइनमार्फत नै पठाउन भनेको छ।
प्राधिकरणका अनुसार बीमा क्षेत्र सम्बन्धी कुनै गुनासो पठाउन आवेदकले निवेदकको पूरा नाम, ठेगाना, सम्पर्क नम्बर, इमेल नम्बर, उजुरीको विषय, बीमक वा सम्बन्धित पक्षको नाम र सो सम्बन्धी कागजात र गुनासो राखी पेश गर्न भनेको छ।
