काठमाडौं । बैंक तथा वित्तीय संस्थाको कुल निक्षेप ६६ खर्ब भन्दा बढी पुगेको छ ।
नेपाल राष्ट्र बैंकको पछिल्लो तथ्यांकअनुसार गत असोज ३० गते बैंक तथा वित्तीय संस्थाहरुमा एकैदिन ३५ अर्ब रुपैयाँ थपिएसंगै बैंक तथा वित्तिय संस्थाको कुल निक्षेप ६६ खर्व ६० अर्ब पुगेको हो ।
यस्तै असोज ३० सम्ममा वाणिज्य बैंकहरुको निक्षेप पनि २७ अर्ब रुपैयाँले बढेर ५९ खर्ब २४ अर्ब रुपैयाँ पुगेको छ ।
राष्ट्र बैंकको तथ्यांकअनुसार असोज ३० गते एकैदिन बैंक तथा वित्तीय संस्थाहरुबाट २७ अर्ब रुपैयाँ कर्जा प्रवाह भएको छ ।
योसँगै बैंक तथा वित्तीय संस्थाहरुको कुल कर्जा लगानी पनि ५२ खर्ब ९३ अर्ब रुपैयाँ पुगेको छ।
