काठमाडौँ। भदौ महिनासम्म जीवन बीमा कम्पनीहरूले १ अर्ब २१ करोड रुपैयाँ बराबरको बीमा पोलिसी त्यागेका छन् । उक्त अवधिमा ९ हजार बढी बीमितहरुले बीमा पोलिसी त्यागेका हुन् ।
प्राधिकरणको तथ्यांक अनुसार यस अवधिसम्ममा एलआईसी नेपालबाट सबैभन्दा धेरै बीमा पोलिसी सरेण्डर भएका छन् । कम्पनीबाट २ हजार ५ सय ८ जना बीमितले ३५ करोड रुपैयाँ बढी बीमापोलिसी त्यागेका छन् ।
त्यस्तै बीमापोलिसी त्याग गर्नेको सङ्ख्याको आधारमा नेपाल लाइफ दोस्रो स्थानमा रहेको छ । कम्पनीबाट २ हजार ६८ वटा बीमापोलिसी त्यागेका छन् । कम्पनीबाट कुल ३३ करोड रुपैयाँ बराबरको क्षति भएको छ।
प्राधिकरणले सार्वजनिक गरेको तथ्यांङ्क अनुसार नेशनल लाइफमा ८ करोड, एशियन लाइफको ७ करोड ९६ लाख रुपैयाँ, सूर्य ज्योति लाइफको ७ करोड ३८ लाख रुपैयाँ, हिमालयन लाइफले ५ करोड ७२ लाख रुपैयाँ, सानिमा रिलायन्स लाइफको ३ करोड २० लाख रुपैयाँ र मेट लाइफको २ करोड ६६ लाख रुपैयाँ बराबरको क्षति भएको छ ।
तथ्याङ्कमा हेर्नुहोस्
