काठमाडौं । नबिल बैकले भदौ महिनाका लागि आफ्ना मुद्दती निक्षेपको प्रदान गर्ने ब्याजदर स्थिर राखेको छ ।
बैंकले भदौ महिनाका लागि व्यक्तिगततर्फ अधिकतम ७ प्रतिशत र संस्थागततर्फ ६ प्रतिशत ब्याजदर दिने निर्णय गरेको छ। बैंकले साउन महिनाका लागि पनि यही ब्याजदर प्रदान गरेको थियो ।
भदौ महिनाका लागि ३ महिनादेखि १ वर्षसम्म मुद्दती निक्षेपमा पैसा राख्ने निक्षेपकर्ताले ५ प्रतिशत, १ वर्षदेखि २ वर्षसम्मका लागि ५.५० प्रतिशत, २ देखि ५ वर्षसम्मका लागि ६.५० र ५ वर्षभन्दा माथिका लागि ७ प्रतिशत ब्याजदर पाउने छन्।
यस्तै संस्थागत निक्षेपकर्ताले ६ महिनादेखि १ वर्ष अवधिका लागि मुद्दती निक्षेपमा पैसा राख्दा ४ प्रतिशत,१ वर्षदेखि २ वर्षसम्मका लागि ४.५० प्रतिशत,२ वर्षदेखि ५ वर्षसम्मका लागि ५.५० प्रतिशत र ५ वर्षभन्दा माथिका लागि ६ प्रतिशत ब्याज पाउने छन् ।
