काठमाडौँ । भारत सरकारले नेपालमा प्याजको निर्यातमाथि लगाउँदै आएको प्रतिबन्ध हटाएको छ। भारतले शनिवारदेखि प्रतिबन्ध हटाएको हो ।
भारतले लगाउँदै आएको प्रतिबन्ध हटाएको भए पनि प्याजको निर्यातमा ४० प्रतिशत निर्यात शुल्क भने कायम गरेको छ । निर्यातमा ४० प्रतिशत शुल्क लगाएपछि अब आयात हुने प्याजको मूल्य अझै महँगिन जाने आकलन गरिएको छ ।
नेपालको घरेलु बजारमा खपत हुने करिब ९० प्रतिशत प्याज भारतबाटै आयात हुने गरेको छ । नेपाली बजारमा अहिले प्याजको मूल्य प्रतिकिलो अधिकतम मूल्य ६२ रुपैयाँ कायम भएको छ ।
