काठमाडौं। विद्युत् विकास विभागले विद्युत् उत्पादकसँग खण्डिकृत तथ्यांक माग गरेको छ ।
विभागले आयोजनासँग सम्बन्धित नक्सा, जीआइएस सेप फाइल र गुगल म्यापमा खुल्ने गरी पठाउन भनेको छ । विभागले १ मेगावाट भन्दा बढी जडित क्षमता भएका सञ्चालित आयोजनालाई पत्र लेख्दै रोयल्टी बाँडफाँटको हिस्सा निर्धारण गर्न यस्तो तथ्यांक आवश्यक परेको जनाएको छ ।
विभागले ७ दिनभित्र तथ्यांक उपलब्ध गराउन समेत भनेको छ।
विभागले अहिलेसम्म तिरेको रोयल्टीको विवरण र २०८०-८१ असार मसान्तसम्म उठ्न सक्ने रोयल्टी विवरण पनि उपलब्ध गराउन भनेको छ।
विभागले भौतिक संरचनातर्फ जलाशयले छोएका वडा, बाँध, इन्टेक, डिस्यान्डिङ बेसिन,नहर, पाइप वा सुरुङ, विद्युत् गृह, टलरेस र अन्य संरचना रहेको वडासमेत स्पष्ट खुलाई पठाउन भनेको छ । ‘रन अफ द रिभर’ का हकमा समेत सोही विवरण मागिएको छ।
