काठमाडौं । आज सांग्रिला डेभलपमेन्ट बैंक र शाइन रेसुङ्ग डेभलपमेन्ट बैंकको लाभांश सुरक्षित गर्ने अन्तिम दिन रहेको छ ।
यी दुई विकास बैंकले साधारण सभा तथा लाभांश वितरण प्रयोजनका लागि भोलि अर्थात् मंसिर ११ गते बुक क्लोज गर्दैछन् । त्यसकारण आजम्म कायम सेयरधनीहरुले मात्र लाभांश पाउन र साधारण सभामा भाग लिन सक्नेछन् ।
सांग्रिला डेभलपमेन्ट बैंकले हाल कायम चुक्ता पूँजीको ५ प्रतिशतका दरले बोनस शेयर र सोको कर प्रयोजनार्थ ०.२६३ प्रतिशतका दरले नगद लाभांश वितरण गर्ने भएको छ ।
सोही विशेष प्रस्ताव पारित गर्नका लागि मंसिर २४ गते साधारण सभा बोलाएको छ। सभामा यसका बाहेकका अन्य एजेण्डामा पनि छलफल भई पारित हुनेछ ।
यस्तै, शाइन रेसुङ्गा हाल कायम चुक्ता पूँजीको १०.५० प्रतिशत बोनस शेयर र सोको कर प्रयोजनार्थ ०.५५ प्रतिशत नगद लाभांश वितरण गर्ने भएको छ । लाभांश वितरणको विशेष प्रस्तावसहित बैंकले मंसिर २३ गते साधारण सभा बोलाएको छ ।
