काठमाडौँ। नेपाली बजारमा हालसम्मकै उच्च मूल्य कायम गरेको सुनको सुनको मूल्यमा आज गिरावट आएको छ । अघिल्लो दिन प्रतितोला ३ सय रुपैयाँले बढेको सुनको मूल्य आज २३ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला १ लाख ४७ हजार ७ सय रुपैयाँ कायम भएको छ। अघिल्लो दिन छापावाला सुनको मूल्य १ लाख ५० हजार रुपैयाँमा कारोबार भएको थियो ।
त्यस्तै आज तेजावी सुनको मूल्य पनि २३ सय रुपैयाँले घट्दै प्रतितोला १ लाख ४७ हजार रुपैयाँ कायम भएको छ । आज चाँदीको मूल्यमा समेत गिरावट आएको छ । चाँदीको मूल्य ६० रुपैयाँले घट्दै प्रतितोला १ हजार ७२५ रुपैयाँमा कारोबार भइरहेको छ ।
